АМАР БАЙНА УУ?

Цагаан Сүмийн халуун рашаан нь зүрх судас, элэг цөс, бөөр, ходоод гэдэс, эмэгтэйчүүдийн өвчин, нүд чих, яс үе мөч, мэдрэлийн эмгэг, арьсны харшил болон биеийн ядаргааг анагаах увидастай. Мөн арьсыг зөөлөн булбарай болгож, биеийн эрч хүчийг сэргээдэг. Рашаан нь 69-75 градусын халуунтай бөгөөд байгалийн гүнээс оргилон гардаг. Үүнээс гадна элэг, ходоод, цөсний дотрын өвчнийг анагаах үйлчлэлтэй хүйтэн рашаантай. 

Буддын шашны шүтээн урлал, тарнийн мандала, орчин үеийн урлагийн төрлүүдээр бүрдсэн байнгын үзэсгэлэнг та бүхэнд толилуулж байна. Уламжлал болон орчин үеийн урсгал хэрхэн уялдан хөгжиж байгааг мэдрэх боломжийг танд олгоно. Гар урчууд, уран бүтээлчдийн сэтгэлийн илэрхийлэл болсон бүтээлүүд таны анхаарлыг татаж, сэтгэлийг тань хөдөлгөнө. Та зүгээр нэг үзэж сонирхоод зогсохгүй, дотоодод чиглэсэн аялалд хөл тавих мэт мэдрэмжийг авах болно.

Манай амралтын газар нь 4 ортой болон гэр бүлийн ортой, тав тухтай монгол гэрүүдийн сонголттой. Нэг ээлжиндээ нийт 16 амрагч хүлээн авна. Байгалийн дунд, чимээ аниргүй орчинд та сэтгэлээ амраан, тайван амралтыг бүрэн мэдрэх болно. Мөн бид цагаан хоол болон монгол үндэсний халуун хоолоор  үйлчилж байна.

Манай бясалгалын хөтөлбөр нь байгалийн нам гүм, эрүүл агаарт сэтгэлээ төвлөрүүлэн амрах орчныг бүрдүүлдэг. Өглөөний нарны туяан дор амьсгалын дасгал, анхаарал төвлөрөл, гүн амралтыг хослуулан бясалгана. Туршлагатай багшийн удирдлага дор хүн бүр өөртэйгөө илүү гүн холбогдох боломжтой. Энэ бол завгүй амьдралын хэмнэлээс түр холдож, сэтгэлээ амраах аялал юм. Тайван орчин, энгийн байдал дунд та өөрийгөө шинээр нээх болно.